பள்ளிகளில் நிகழும் அத்துமீறல்களுக்கு தமிழக அரசும், அதிகாரிகளுமே பொறுப்பு -கமல்ஹாசன் ஆவேசம்

samayam-tamil-1-e1643094619144.jpg

தஞ்சை மாவட்டம்‌ திருக்காட்டுப்பள்ளி அருகே உள்ள மைக்கேல்பட்டி தூய இருதய மேல்நிலைப்பள்ளி விடுதியில்‌ தங்கி 12-ஆம்‌ வகுப்பு படித்து வந்த லாவண்யா விஷம்‌ குடித்து தற்கொலை செய்த சம்பவம்‌ தமிழக மக்களிடமும்‌, தமிழக அரசியலிலும்‌ கடும்‌ அதிர்வலைகளை உருவாக்கியுள்ளது. பள்ளி மாணவி லாவண்யாவின்‌ மரணத்திற்குக்‌ காரணம்‌ கட்டாய மதமாற்றம்‌ என்று மாணவியின்‌ பெற்றோர்‌ நீதிமன்றத்தில்‌ வாக்குமூலம்‌ அளித்திருப்பதாக ஊடகங்களின்‌ செய்திகள்‌ தெரிவிக்கின்றன. லாவண்யா மரணப்படுக்கையில்‌ அளித்த வீடியோ வாக்குமூலத்திலும்‌ அப்படித்தான்‌ கூறுகிறார்‌ என்கிறார்கள்‌. படிக்க வரும்‌ குழந்தைகள்‌ இதுபோன்ற சில காட்டுமிராண்டித்தனமான ஆசிரியர்களால்‌ துன்புறுத்தப்படுகிறார்கள்‌ என்பது அன்றாடம்‌ நடக்கிறதென தெரிந்தும்,‌ இத்தகைய அத்துமீறல்களை இரும்புக்கரம்‌ கொண்டு ஒடுக்காமல்‌ வேடிக்கை பார்த்த உயரதிகாரிகளும்‌, மாநில அரசுமே குற்றம்‌ சாட்டப்பட வேண்டியவர்கள்‌. மாணவியின்‌ தற்கொலைக்கான உண்மையான காரணம்‌ நேர்மையான விசாரணையின்‌ மூலமாக வெளிப்படுத்தப்பட வேண்டும்‌. குற்றவாளிகள்‌ கடுமையாக தண்டிக்கப்பட வேண்டும்‌. நமது கண்மணிகளைக்‌ காக்க நாம்‌ என்னென்ன முன்னெச்சரிக்கைகளை மேற்கொள்ளப்‌ போகிறோம்‌ என்பதை யோசித்து ஆக்கப்பூர்வமாக நடவடிக்கைகள்‌ எடுக்கப்படுவதை தமிழக அரசு உறுதி செய்ய வேண்டும்‌, எனக் குறிப்பிட்டுள்ளார்.

scroll to top