கோவை சிங்காநல்லூர் சாலையில் உள்ள வி.ஜி.எம் மருத்துவமனையின் தலைவர் வயிற்று மற்றும் கல்லீரல் நிபுணரான டாக்டர் வி.ஜி மோகன் பிரசாத்திற்கு அமெரிக்கன் காலேஜ் ஆப் காஸ்ட்ரோஎன்டேரோலஜி இயக்கத்தின் 2021க்கான சமூக சேவை விருது வழங்கப்பட்டது.
இந்த விருது சமூக சேவையில் உலகத்திலேயே சிறந்து விளங்கும் மருத்துவருக்கு ஆண்டிற்கொருமுறை வழங்கப்படுகிறது. உலகளாவிய எ.சி.ஜி என்னும் இந்த இயக்கத்தில் 11,000 க்கும் மேற்பட்ட வயிற்று நிபுணர்கள் உள்ளன. இந்நிலையில், எ.சி.ஜியின் ஆளுநர் டாக்டர் பிரசாத் ஐயர் இந்த விருதை டாக்டர் வி ஜி மோகன் பிரசாத்திற்கு வழங்கினார்.
இதனை தொடர்ந்து செய்தியாளர்களிடம் பேசிய டாக்டர் வி.ஜி மோகன் பிரசாத், “இந்தியாவில் இரண்டாவது முறையாக இந்த விருது எனக்கு கிடைத்துள்ளது எனக்கு மகிழ்ச்சி அளிக்கிறது.இது இந்தியாவிற்கும் பெரிய பெருமை. உடல் பருமன் குறித்த தேசிய மாநாடு வரும் ஞாயிற்றுக்கிழமை கோவையில் நடைபெற உள்ளது. இதில் 12 நாடுகளை சேர்ந்த மருத்துவர்கள் கலந்து கொள்ள உள்ளனர். உணவுபாதை எதுக்களிப்பு நோயை சமாளிக்க அறுவை சிகிச்சை இல்லாமல் தெரபியூடிக் என்டோஸ்கோபி மூலம் சிகிச்சை அளிப்பவை குறித்து நேரடி ஸ்ட்ரீமிங் மூலம் சர்வதேச மற்றும் தேசிய ஆசிரியர்களால் நிரூபிக்கப்படும்.” என்றார்.
